സ്ഥാപന ചരിത്രം
കേരളസംസ്ഥാന രൂപീകരണത്തിനു മുന്പു തിരുവിതാംകൂറിന്റെ ഭാഗമായിരുന്ന പ്രദേശമാണ് കാഞ്ഞിരംകുളം. 1938-ല് നെയ്യാറ്റിന്കര താലൂക്കുസഭയുള്പ്പെടെ നിരവധി പ്രാദേശിക വികസന സമിതികള് രൂപം കൊണ്ടിരുന്നു. 1930 കളില് തന്നെയാണ് ഗ്രാമോദ്ധാരണ സമിതിയും (വില്ലേജ് അപ്ലിഫ്റ്റ്മെന്റ് കമ്മിറ്റി) വൈ.എം.ബി എന്ന ചുരുക്കപ്പേരിലറിയപ്പെട്ടിരുന്ന യംഗ് മെന്സ് ബ്യൂറോയും രൂപീകരിക്കപ്പെടുന്നത്. അക്കാലത്ത് ഗ്രാമത്തിലെ ഏറിയ പങ്കു പ്രബുദ്ധ യുവാക്കളും വൈ.എം.ബിയിലെ അംഗങ്ങളായിരുന്നു. കുമുളി സേഫ്വാട്ടര് പ്രോജക്ടിനു വേണ്ടിയുള്ള ഭൂമി ദാനമായി നല്കിയത് വൈ.എം.ബിയായിരുന്നു. 1953-ല് തിരുവിതാംകൂറിന്റെയും കൊച്ചിയുടെയും സംയോജനത്തിനു ശേഷമായിരുന്നു കാഞ്ഞിരംകുളം പഞ്ചായത്ത് രൂപംകൊള്ളുന്നത്. കാഞ്ഞിരംകുളം വില്ലേജ് പ്രദേശവും കഴിവൂര് വില്ലേജിന്റെ ഒരു ഭാഗവും ചേര്ത്താണ് കാഞ്ഞിരകുളം പഞ്ചായത്ത് രൂപീകൃതമാവുന്നത്.
തിരുവനന്തപുരം ജില്ലയിലെ നെയ്യാറ്റിൻകര താലൂക്കിൽ അതിയന്നൂർ ബ്ലോക്കിന് കീഴിൽ പ്രവർത്തിക്കുന്ന ഒരു പ്രധാന തദ്ദേശ സ്വയംഭരണ സ്ഥാപനമാണ് കാഞ്ഞിരംകുളം ഗ്രാമപഞ്ചായത്ത്.
ചരിത്രം:
കേരളത്തിന്റെ ആദ്യകാല ഗ്രാമപഞ്ചായത്തുകളുടെ കൂട്ടത്തിൽ രൂപംകൊണ്ടതാണ് കാഞ്ഞിരംകുളം. തിരുവിതാംകൂർ ഭരണകാലത്ത് നിലവിലുണ്ടായിരുന്ന പ്രാദേശിക ഭരണസംവിധാനങ്ങളുടെ പരിഷ്കരണത്തിന്റെ ഭാഗമായിട്ടാണ് ഈ പഞ്ചായത്ത് നിലവിൽ വന്നത്. പിന്നീട് കേരളപ്പിറവിക്ക് ശേഷം തദ്ദേശ ഭരണ സ്ഥാപനങ്ങളുടെ പുനഃസംഘടന നടന്നപ്പോൾ കാഞ്ഞിരംകുളം ഗ്രാമപഞ്ചായത്ത് ഔദ്യോഗികമായി രൂപീകരിക്കപ്പെട്ടു